Colva Crime News: बेतालभाटी येथे राहणाऱ्या डॉ. निर्वाण भारत या 27 वर्षीय आय स्पेशालिस्टचा खून त्यांच्याचकडे स्वयंपाकी म्हणून काम करणाऱ्या सिमांचल परिदा (31) याने आपल्या अन्य तीन साथीदारांच्या मदतीने केल्याचे उघड झाले असून हा खून केल्यावर डॉक्टरांचीच गाडी घेऊन पळून जाताना त्यांना भिलवाडा राजस्थान येथे अटक केली आहे.

सीमांचल परिदा (वय 31, रा ओडिसा), अलोक सिंग (वय 19), नागेंद्र कुमार (वय 25) (दोघेही रा. अलवार राजस्थान) आणि शाहिद खान (वय 23, रा. दादर, मुंबई) असे अटक संशयित आरोपींची नावे आहेत. आरोपींची चौकशी केली असता त्यांनी गुन्ह्याची कबुली दिली आहे. असे दक्षिण गोवा पोलिसांनी प्रसिद्ध केलेल्या प्रसिद्धी पत्रकात म्हटले आहे.

रोख रक्कम, मोबाईल आणि गाडीच्या चोरीसाठी हा खनू करण्यात आल्याचा प्राथमिक अंदाज पोलिसांनी व्यक्त केला आहे.

खून 07 रोजी संध्याकाळी होण्याची शक्यता आहे. मूळ बिहार येथील पण गोव्यात काम करणारे डॉ. भारत काल आपल्या क्लिनिकमध्ये न आल्याने आणि फोनही घेत नसल्याने त्यांना पाहण्यासाठी त्यांच्या काही सहकाऱ्यांना त्यांच्या फ्लॅटवर पाठविले असता त्यांच्या बेडरूममध्ये असेलेल्या खाटीच्या बॉक्स मध्ये हातपाय बांधलेल्या अवस्थेत त्यांचा मृतदेह आढळून आला होता.

पोलिसांच्या हाती जे सिसीटीव्ही फुटेज लागले आणि संशयितांच्या मोबाईल लोकेशन वरून पोलिस ह्या खुन्या पर्यंत पोहोचले अशी माहिती धानिया यांनी दिली.