Gulab Prabhudesai passed away

मडगाव येथील दामोदर वाणिज्य महाविद्यालयाचे माजी प्राचार्य गुलाब प्रभुदेसाई (८४) यांचे आज (१० फेब्रुवारी) रोजी पहाटे अल्पकाळाच्या आजाराने निधन झाले. आजच त्यांच्यावर मडगाव स्मशानभूमीत अंत्यसंस्कार करण्यात आले.

त्यांच्यामागे पत्नी मधुरा, पूत्र समीर, विवाहित कन्या शिल्पा मेणसे, स्मिता भांगले आणि श्वेता दास असा परिवार आहे.

मूळ आगस लोलये येथील प्रभुदेसाई हे अर्थशास्त्राचे व्याख्याते होते. मडगाव येथील दामोदर वाणिज्य महाविद्यालयासाठी त्यांनी दीर्घकाळ सेवा दिली. एक उत्कृष्ट शिक्षक म्हणून ते विद्यार्थ्यांमध्ये परिचित होते. एक कुशल संघटक म्हणूनही त्यांना ओळखले जात असे. त्यांच्या निधनावर विद्या विकास मंडळातर्फे दुःख व्यक्त करण्यात आले आहे.