मडगाव: अखिल भारतीय कोंकणी परिषदेचे माजी अध्यक्ष आणि मंगळुरू येथील विश्व कोंकणी केंद्राचे प्रवर्तक बस्ती वामन शणय(Basti Vaman Shenoy) (88) यांचे आज सकाळी मंगळुरू येथे दुःखद निधन झाले. उद्या सोमवारी त्यांच्या पार्थिवावर अंतिम संस्कार करण्यात येणार आहेत. शणय हे मंगळुरू येथील कोंकणी भाषा व संस्कृती केंद्राचे संस्थापक असून उद्या त्यांचे पार्थिव सकाळी 9 ते 10 पर्यंत शक्तीनगर मंगळुरू येथील विश्व कोंकणी केंद्राच्या सभागृहात लोकांसाठी अंत्यदर्शन घेण्यासाठी ठेवण्यात येणार असून त्यानंतर बंटवळ येथील स्मशानात त्यांच्यावर अंत्यसंस्कार करण्यात येणार आहे.

बस्ती माम या नावाने संपूर्ण कोंकणी वर्तुळात प्रसिद्ध असलेले शणय हे कुशल संयोजक म्हणून प्रसिद्ध होते. त्यांनी त्यांच्या इतर सहकाऱ्यांच्या साथीने उभारलेल्या कोंकणी भास व संस्कृती केंद्रातर्फे कोंकणी भाषा (Kokani Language), साहित्य व संस्कृती यांच्या संवर्धनाचे मोठे कार्य चालविले होते. जगातील सर्व कोंकणी लोकांना एकत्र आणणारे केंद्र म्हणून त्यांनी या संस्थेचा वापर केला होता. शणय हे 2004 साली कोरिकोडाय येथे भरलेल्या अखिल भारतीय कोकणी परिषदेचे ते अध्यक्ष होते. त्यांच्या निधनावर गोव्याच्या कोकणी भाषा मंडळाने दुःख प्रगट केले आहे.