खांडोळा, वृक्षारोपण, वन महोत्सव किंवा अन्य काही सामाजिक उपक्रम गावागावांमध्ये समाजापर्यंत घेऊन जायचे असेल तर सरकारी अधिकाऱ्यांनी जनतेशी संपर्क ठेवला पाहिजे.

सनातन धर्मामध्ये निसर्गाचे पूजन हेच भगवंताचे खरे पूजन सांगितलेले आहे. निसर्गाचे संरक्षण केले, तर तो आपला सांभाळ करणार आहे, असे प्रतिपादन ब्रह्मेशानंदाचार्य यांनी तपोभूमीवर वनमहोत्सवप्रसंगी केले.

वनमहोत्सवप्रसंगी अधिकारी नवीन कुमार, डॉ. परवीन कुमार, रोहन गोखले, प्रदीप सरमुकादम, मोहनलाल फडके, विश्वास कदम, ब्राह्मीदेवी उपस्थित होत्या.

स्वामी पुढे म्हणाले, निसर्गातील सर्व घटकांना प्रेमाने बांधून ठेवले पाहिजे, जेणेकरुन सर्व प्रेमाने, आनंदाने जगतील, हाच संदेश आपल्याला वृक्ष देतात. तपोभूमीवर एक हजार वृक्ष लावण्याची मोहीम सुरू झाली आहे.

सर्वांनी सहभागी व्हायला हवे. सूत्रसंचालन श्रीराज शेलार यांनी केले. अनेक निसर्गप्रेमींनी मान्यवरांच्या उपस्थितीत आपल्या मातापिता तसेच स्वकियांच्या स्मरणार्थ वृक्षारोपण केले.