वागातोर: पर्यटनासाठी जगभरात प्रसिद्ध असलेला गोवा येथील वैविध्यपूर्ण संस्कृती आणि मान्यतांसाठी देखील तितकाच ओळखला जातो. गोव्यात विविध सण उत्सव मोठ्या जल्लोषात साजरे केले जातात. महाशिवरात्री देखील गोव्यात मोठ्या उत्साहात साजरी करण्यात आली. यासाठी खास परदेशी पर्यटकांनी देखील हजेरी लावली.

वागातोर समुद्रकिनाऱ्यावर खडकावर महादेवाचे शिल्प साकारण्यात आले आहे. प्रेमानंद आगरवाडेकर दरवर्षी याठिकाणी महादेवाला दुग्धाभिषेक घालून महापूजा केली जाते. स्थानिक आणि परदेशी पर्यटक देखील या महापूजेत सहभाग घेतात.

यावर्षी देखील मोठ्या संख्येने विदेशी पर्यटक हेजरी लावली आहे. गेल्या २५ वर्षापासून परदेशी पर्यटक खास महाशिवरात्रीसाठी याठिकाणी हजेरी लावत आहेत.

जंगल मॅनने साकारले महादेवाचे शिल्प

वागातोर येथे एका खडकावर जंगल मॅन या इटालियन नागरिकाने महादेवाचे शिल्प साकारले आहे. देश -विदेशातील पर्यटकांसाठी हे आकर्षणाचे ठिकाण राहिले आहे. दरवर्षी महाशिवरात्रीच्या निमित्ताने येथे पूजा केली जाते. यावर्षी देखील येथे महादेवाची पूजा करण्यात आली.