हरमल, पीयूष स्पोर्ट्‌स क्लब आयोजित अखिल गोवा नाईन ए साईड फुटबॉल स्पर्धेत युनायटेड शीवोली संघाचा ३-० गोलनी पराभव करून कळंगुटच्या वेलांकनी फुटबॉल क्लबने जेतेपदाचा आकर्षक करंडक व रोख बक्षीस पटकावले.

हरमल चर्च मैदानावर खेळविण्यात आलेल्या स्पर्धेत एकूण २० संघांनी भाग घेतला होता. विजेत्या संघास रोख रु. १ लाख, उपविजेत्या संघास रोख रु. ६० हजार तसेच उपांत्य फेरीतील पराभूत मेरशी फुटबॉल व गोवा पोलिस संघास रोख व चषक देण्यात आले.

बक्षीस वितरण सोहळ्यात प्रमुख पाहुणे म्हणून माजी मंत्री दयानंद मांद्रेकर, जिल्हा पंचायत सदस्य रंगनाथ कलशावकर, पंच संतान फर्नांडिस, फादर लीन फर्नांडिस, आलेसीन रॉड्रिग्स, माजी सरपंच इनासियो डिसोझा, मायकल फर्नांडिस, बाली वायंगणकर, बॉस्को फर्नांडिस, सविता गोवेकर, गौरवमूर्ती इनासियो नोरोन्हा व नॅथन फर्नांडिस तसेच क्लबचे अध्यक्ष प्रवीण वायंगणकर उपस्थित होते.

यावेळी स्पर्धेतील बक्षिसे आमदार जीत आरोलकर, जिपं सदस्य रंगनाथ कलशावकर, मांद्रेचे सरपंच प्रशांत नाईक, देवानंद कुडव, सुहास प्रभू, कोरगावचे पंच देविदास नागवेकर, संदीप न्हांजी, राकेश नानोस्कर व नाझरी रिसॉर्ट आदींनी पुरस्कृत केली होती.

बक्षिसांचे मानकरी

उत्कृष्ट गोल किपर- गोवा पोलिस संघ, बेस्ट डिफेंडर- आयाना शिबोली, अंतिम सामन्यात पहिला गोल- पेद्रो (कळंगुट), बेस्ट मिडफिल्डर- रोनिटो (कळंगुट), प्लेअर ऑफ द टुर्नामेंट- आदर्श (कळंगुट), बेस्ट स्ट्रायकर- सांतान (कळंगुट) यांना स्मृतिचिन्ह देण्यात आले.