Flight Fare Raised: दिवाळीनंतर विमान भाड्यात 50 ते 70 टक्क्यांनी वाढ झाली आहे. सणासुदीच्या काळात लोक महानगरांत प्रवास करत आहेत. विमानातून प्रवास करण्याकडे अलिकडे जास्त कल वाढला असून, प्रवाशांच्या संख्येत सातत्याने वाढ होत आहे.

गोव्यातून मुंबईला विमानाचे प्रवासभाडे साडे तीन हजारांपासून ते 8 हजार रुपयांपर्यंत वाढले आहे.

गोवा ते मुंबई विमान प्रवासचे भाडे ऑनलाईन तपासले असता ते 6,772 ते 8,052 रुपयांपर्यंत वाढले आहे. याशिवाय छत्तीसगडमधील स्वामी विवेकानंद विमानतळ ते दिल्ली आणि गोव्याला जाण्याचे विमान भाडे सर्वाधिक आहे.

रायपूरच्या स्वामी विवेकानंद विमानतळ येथून सध्या दिल्लीचे भाडे 11400 ते 19900 रुपये आणि परतीचे भाडे 4400 ते 7000 रुपये आहे. त्याचप्रमाणे गोव्याचे भाडे 19300 ते 19500 रुपये आणि परतीचे भाडे 4800 ते 4900 रुपये आहे.

पण, अहमदाबादचे भाडे 12900 ते 14500 रुपये आणि परतीचे भाडे 11900 ते 13500 रुपये आहे. तर इतर मोठ्या शहरांमधील भाडे सामान्य पातळीवर आहे.

स्वामी विवेकानंद विमानतळ रायपूर ते दिल्ली पर्यंत जास्तीत जास्त 6 उड्डाणे चालवली जातात. 2 विस्तारा आणि 4 इंडिगो उड्डाणे आहेत.