मडगाव येथे प्रवासी रेल्वेखाली सापडून 5 गुरे दगावण्याची घटना घडली आहे. ही घटना मंगळवारी सायंकाळी मडगाव येथील एका कॉलेज जवळील रेल्वे ट्रॅकवर घडली. या प्रकारामुळे कुळे-वास्को प्रवासी रेल्वे काही वेळ थांबविण्यात आली होती.

दरम्यान रेल्वे काही काळ थांबविल्यामुळे रेल्वे वाहतूकीवर त्याचा परिणाम झाला नसल्याची माहिती रेल्वे अधिकाऱ्यांनी दिली.

याबाबत अधिक माहिती अशी की, कुळे-वास्को प्रवासी रेल्वेखाली सापडून पाच गुरे दगावण्याची घटना मंगळवारी घडली. या घटनेमुळे काही वेळ कुळे-वास्को रेल्वे तेथेच थांबविण्यात आली होती. रेल्वेखाली सापडलेली गुरे हटविल्यानंतर गाडीने वास्कोकडे प्रयाण केले.

अशा घटना येथील रेल्वे ट्रॅकवर पूर्वी देखील घडल्या आहेत. त्यावर उपाय योजना आखावी अशी मागणी स्थानिकांकडून होत आहे. या पूर्वी या भागात भरधाव वेगाने येणाऱ्या रेल्वे खाली सापडून दोन रेडे ठार झाले होते.