Fire Brigade : हरमल, येथील हरमल पंचक्रोशी उच्च माध्यमिक विद्यालयात इमर्जन्सी इव्हॅल्युएशन मॉक ड्रिल नुकतीच झाली.

यावेळी पेडणे अग्निशमन केंद्रातर्फे अग्निशमन व आपत्कालीन स्थितीत लोकांना सुरक्षित बाहेर काढण्याबद्दल मार्गदर्शन केले. यावेळी विद्यार्थ्यांनी आपत्कालीन परिस्थितीतील स्थलांतर आणि आपत्ती व्यवस्थापनाचा अनुभव घेतला.

शालेय आपत्ती व्यवस्थापनांतर्गत आयोजित केलेल्या या इव्हॅल्युएशन ड्रिलमध्ये सुमारे ६५० विद्यार्थी आणि ५५ कर्मचारी सहभागी झाले. पेडणे अग्निशमन केंद्राचे अधिकारी नामदेव परवार यांनी आगीची आपत्कालीन परिस्थिती कोणती खबरदारी घ्यावी, याबाबत माहिती दिली.