Mapusa Fire News: आज (रविवार) मध्यरात्री 2 वाजून 7 मि. च्या सुमारास मुशीरवाडा, कोलवाळ येथील स्क्रॅपयार्डला अचानक आग लागली. पत्रावळी व द्रोणसाठी वापरल्या जाणाऱ्या पेपरने पेट घेतली.

आगीची माहिती मिळताच म्हापसा अग्निशमन दलाने घटनास्थळी धाव घेत फोम आणि पाण्याच्या सहाय्याने आग विझवायला सुरुवात केली.

मिळालेल्या माहितीनुसार, या आगीत एकूण 80 हजारांचे नुकसान झाले आहे. तर 20 लाखांची मालमत्ता वाचवण्यात अग्निशमन दलाच्या जवानांना यश आले. आग नेमकी कशामुळे लागली याचे कारण अद्याप कळू शकले नाही.

सदर स्क्रॅपयार्ड फय्याजुद्दीन खान यांच्या मालकीचा आहे.