FIR registered On Bolmax Pereira : ख्रिश्चन धर्मगुरू फादर बोलमेक्स परेरा यांच्या विरोधात गुन्हा दाखल करून अटक करावी अशी मागणी हिंदू संघटनेच्या सदस्यांनी आणि शिवप्रेमींनी वास्को पोलिसांकडे केली होती. शिवप्रेमी आणि हिंदू संघटनेच्या सदस्यांनी वास्को पोलीस ठाण्याबाहेर मोठी गर्दी केली व निदर्शने सुरु केली होती.

दरम्यान, ख्रिश्चन धर्मगुरू फादर बोलमेक्स परेरा याच्या विरोधात वास्को पोलिसांत हिंदू समाजाच्या आणि शिवप्रेमींच्या धार्मिक भावना दुखावल्याप्रकरणी कलम 295, 504 अन्वये गुन्हा दाखल करण्यात आला आहे.

गुन्हा दाखल करण्यात यावा या मागणीसाठी मोठ्या संख्येने हिंदू संघटनेच्या सदस्यांनी आणि शिवप्रेमींनी पोलिस स्थानकाबाहेर गर्दी केली होती. यामुळे तणावपूर्ण परिस्थिती निर्माण झाली होती. तणावपूर्ण परिस्थिती नियंत्रणासाठी पोलिसांचा मोठा बंदोबस्त याठिकाणी तैनात करण्यात आला आहे.

चिखली वास्को येथील फादर बोलमॅक्स परेरा यांनी 'छत्रपती शिवाजी महाराज हिरो पण देव नाही' असे वक्तव्य केले. याचा व्हिडिओ सर्वत्र व्हायरल झाला.