पणजी: तुम्हाला चित्रपट निर्मितीची आवड असल्यास गोव्यातून तुमच्यासाठी एक खास बातमी समोर आलीये. तुम्हाला गोव्यातल्या गोव्यात फिल्म मेकिंग शिकायचं असेल किंवा खास गोव्यात येऊन फिल्म मेकिंग शिकायचं असेल तर फिल्म अँड टेलिव्हिजन इन्स्टिट्यूट ऑफ इंडिया तुमच्यासाठी एक कोर्स घेऊन आलंय. या अनोख्या फिल्म मेकिंग कोर्समध्ये आता कमी अनुभव असलेल्या किंवा कोणताही अनुभव नसलेल्या व्यक्तींना चित्रपट निर्मितीचे धडे दिले जातील.
हा कोर्स पटकथालेखन, अभिनय आणि चित्रपट दिग्दर्शन यासह चित्रपट निर्मितीच्या प्रमुख पैलूंची मूलभूत समज देण्यासाठी डिझाइन केलेला आहे.
फिल्म मेकिंगची आवड असल्यास या कोर्समुळे तुमचा पाया पक्का होईल. चला मग या फाउंडेशन कोर्सबद्दल थोडक्यात जाणून घेऊया.
फिल्म अँड टेलिव्हिजन इन्स्टिट्यूट ऑफ इंडियाकडून सुरु करण्यात आलेला हा कोर्स २७ जानेवारी ती १६ फेब्रुवारीपर्यंत द आर्टहाऊस अकादमी सांगोल्डा येथे चालेल. सकाळी १० ते संध्याकाळी ५ वाजेपर्यंत इच्छुकांना फिल्म मेकिंगचे धडे दिले जातील, ज्यामध्ये हिंदी आणि इंग्रजी भाषेचा वापर केला जाईल आणि या कोर्समध्ये १ ते २ असा तासाभराचा मोकळा वेळ दिला जाणार आहे.
या कोर्समध्ये भाग घेण्यासाठी तुमचं किमान १० ते १२ पर्यंत शिक्षण पूर्ण होणं गरजेचं आहे. जस्मिन कौर रॉय या कोर्सच्या अध्यक्षपदाची जबाबदारी सांभाळत आहेत. या कोर्सचा भाग बनण्यासाठी तुमचं वय १ जानेवारी २०२५ पर्यंत १८ किंवात्याहून अधिक असणं गरजेचं आहे. सर्वात महत्वाचं म्हणजे या कोर्सची फी ३८ हजार रुपये आहे.
तुम्हाला फिल्म मेकिंगची आवड असल्यास १३ जानेवारी २०२५ रोजी संध्याकाळी ६ वाजेपर्यंत तुम्ही नावनोंदणी करू शकता. या कोर्समध्ये एकूण १८ जागा उपलब्ध आहेत आणि पैकी १५ जागा भरल्या तरच हा कोर्स घेला जाईल, काही कारणास्तव जर का कोर्स होऊ शकला नाही तर तुम्हाला पैसे परत केले जातील. कोर्सच्या शेवटी तुम्हाला फिल्म अँड टेलिव्हिजन इन्स्टिट्यूट ऑफ इंडियाकडून प्रमाणपत्र दिलं जाईल मात्र यासाठी ९० टक्के उपस्थिती गरजेची आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.