Female Tourist Fight on Vagator Beach: वागातोर बीचवर दोन परदेशी महिला पर्यटक हाणामारी करत असतानाचा व्हिडिओ सध्या सोशल मिडियावर तूफान व्हायरल होत आहे.

व्हिडिओमध्ये दोघीही एकमेकींना मारत, केस ओढत असल्याचे दिसत आहे. यावर नेटकरी वेगवेगळ्या कॉमेंट्स करत आहेत.

काहींनी या घटनेबाबत नाराजी व्यक्त केली आहे. गोव्यासारख्या निसर्ग समृद्ध राज्यात, जिथे पर्यटक मनाला शांती देण्यासाठी येतात, तिथे अशा घटना होणे खरंच लज्जास्पद असल्याचे मत व्यक्त केले जात आहे.

पर्यटक महिला भररस्त्यात मारामारी करताना दिसत आहेत. या पर्यटकांवर पोलिसांनी कारवाई करावी, अशी मागणी होत आहे.

पर्यटक इथे येऊन मनाला येईल तसे वागतात, इथले नियम पाळत नाहीत किंवा पोलिसांनाही घाबरत नाहीत, ज्यामुळे गोव्याची प्रतिमा खराब होते, असे अनेकांचे म्हणणे आहे. दरम्यान, या महिला भांडत असतानाचा व्हिडिओ सोशल मिडियावर व्हायरल होत असून त्यांना कुणी रोखायला आले नसल्याचे व्हिडिओमध्ये दिसते.

त्या दोघींमध्ये भांडण होण्याचे नेमके कारण काय, हे कळू शकले नाही. माहितीनुसार, भांडणानंतर त्यांनी आपापसातच वाद मिटवला असून याबाबत पोलिसात तक्रात करण्यात आली नाही.