पणजी: गतीमंद मुलीवर लैंगिक अत्याचार केल्याचा आरोपातून बापाची निर्दोष मुक्तता करण्यात आली आहे. गोव्यातील फास्ट ट्रॅक स्पेशल कोर्टाने (POCSO) हा निकाल दिला आहे. आरोप सिद्ध करण्यासाठी पुरेसे पुरावे नसल्याने पीठासीन अधिकारी दुर्गा मडकईकर यांनी हा निकाल दिला.

पीडित मुलीवर लैंगिक अत्याचार केल्याचा कोणताही पुरावा समोर आलेला नाही, असे निरीक्षण कोर्टाने नोंदवले आहे. वैद्यकीय तपासणीतून ही बाब उघड झाल्याचे समोर आले आहे. तसेच, पीडितेच्या शरीरावर कोणत्याही जखमा आढळून न आल्याचेही कोर्टने म्हटले आहे.

पाडितीने दिलेल्या जबाबात देखील समानता दिसून आलेली नाही. पीडितेवर अत्याचार केल्याचा कोणताही सबळ पुरावा नसल्याने संशयित आरोपीची निर्दोष मुक्तता करण्यात आली आहे.