मडगाव: प्रसिद्ध तियात्र लेखक आणि कोकणी साहित्यीक जॉन क्लार फर्नांडीस (93) यांचे आज (18 ऑगस्ट) केपे येथे निधन झाले. साहित्यीक क्षेत्रात जॉन क्लार या नावाने सर्वांना परिचित असलेले फर्नांडीस यांना मागच्या वर्षी संगीत नाटक अकादमी पुरस्काराने गौरवित करण्यात आले होते.

वृद्धापकाळामुळे फर्नांडीस हे मागचा काही काळ आजारी होते. त्यांच्यामागे पत्नी पियेदाद, पुत्र गोडविन, गोडफ्री आणि कन्या गोल्डा असा परिवार आहे.

मूळ कोठंबी केपे येथील जॉन क्लार हे फक्त तियात्र लेखकच नव्हते तर ते या क्षेत्रातील संशोधकही होते. गोव्यातील तियात्राच्या जडण घडणीत त्यांचे विलक्षण असे योगदान होते. त्यांनी कित्येक तियात्र लिहून रंगमंचावर सादर केले. त्यातील 'पुर्तूगेज कोलवोत' हा त्यांचा तियात्र विलक्षण गाजला होता.