बनावट नोटा, ड्रग्स आणि बेकायदेशीर बंदुकांची तस्करी करणारी एक आंतरराज्य टोळी आंध्र प्रदेश पोलिसांनी जेरबंद केली आहे. या टोळीत गोव्यातील एकाचा समावेश आहे. आंध्र प्रदेश येथील मंगलगिरी अनंतपूर येथील पोलिसांनी ही कारवाई केली. या गोव्यातील युवकाला एका वर्षांपूर्वी ड्रग्स प्रकरणात अटक केली होती.

बनावट नोटा, बंदुकांची तस्करी करणारी टोळीतील पोलिसांनी अटक केलेले संशयित हे तीन बंगळुरू व दोघे मध्य प्रदेश येथील आहेत. या टोळीचा आंध्र प्रदेश, कर्नाटक, मध्य प्रदेश आणि गोव्यात वावर असल्याची माहिती प्राप्त झाली आहे.

बनावट नोटा, ड्रग्स आणि बेकायदेशीर बंदुकांची तस्करी करणारी एक आंतरराज्य टोळी आंध्र प्रदेश पोलिसांनी जेरबंद केली आहे. या टोळीत गोव्यात राहणाऱ्या रियाझ शेख याचा समावेश असल्याची माहिती मिळाली आहे. हा रियाझ ड्रग्सच्या धंद्यात असून एका वर्षांपूर्वी त्याला कोकण रेल्वे पोलिसांनी पाच किलो गांजासह अटक केली होती.

आंध्र प्रदेश येथील मंगलगिरी अनंतपूर येथील पोलिसांनी ही कारवाई केली. या टोळीचा आंध्र प्रदेश, कर्नाटक, मध्य प्रदेश आणि गोव्यात वावर असल्याची माहिती प्राप्त झाली आहे. या टोळीबरोबर पकडला गेलेला रियाझ शेख हा मूळ बेल्लारी येथील असून त्याचे वास्को येथे वास्तव्य होते, अशी माहिती मिळाली आहे. या रियाझ शेख याच्यावर बंगळुरू येथेही गांजा आणि बेकायदेशीर बंदुका विक्री प्रकरणात चार गुन्हे नोंद केले गेले आहेत.

या टोळीतील इतर आरोपींची नावे जमशेद खान, मुबारक, अमीर पाशा (सर्व बंगळुरू), राजपाल सिंग व सुतार आदिवासी (दोघेही मध्य प्रदेश) अशी असून पोलिसांनी त्यांच्याकडून ९ बंदुका आणि मोठ्या प्रमाणावर काडतुसे जप्त केली आहेत. ही टोळी बनावट नोटा छापत होती, तसेच शिरपूर-महाराष्ट्र येथून गांजा खरेदी करून अन्य राज्यात जाऊन तो विकत असे. मध्य प्रदेश येथे एका बनावट बंदुका तयार करण्याच्या कारखान्यातून ते बंदुका खरेदी करून दुसऱ्या राज्यात जाऊन विकत असत, अशीही माहिती मिळाली आहे.