गोव्यात 31 मार्च 2014 पूर्वी नोंदणीकृत सहकारी गृहनिर्माण संस्थांद्वारे विक्री खत केलेल्या लहान निवासी व सहकारी संस्थांसाठी मुद्रांक शुल्क व नोंदणी शुल्कात एक टक्का सवलत दिली जाणार आहे. ही सवलत 1 मे पासून सुरू केली जाणार असून ती तीन महिन्यांसाठी असेल. या मुदतीत नोंदणी करणाऱ्या संस्थांनाच त्याचा लाभ मिळणार आहे.

ही सवलत 1 मे पासून पुढील तीन महिन्यांसाठी आहे. मालमत्तेच्या सध्याच्या बाजार मूल्याच्या एक टक्का दराने ती लागू केली जाईल. त्यामध्ये खरेदीपत्र वा डीड ऑफ कन्व्हेयन्स किंवा डीड ऑफ ट्रान्स्फर किंवा सामंजस्य करार या नोंदणीचा समावेश असला पाहिजे.

महसूल वाढणार

सध्याच्या मुद्रांक शुल्क व नोंदणी शुल्कात एक टक्क्याने सूट देऊन अधिकाधिक संस्थांची नोंदणी करण्याचा सरकारचा प्रयत्न आहे. अनेक सहकारी संस्थांनी नोंदणी केलेली नाही. त्यामुळे मुद्रांक शुल्क व नोंदणी शुल्कात घट झाली आहे.

बहुतेक सहकारी संस्था स्थापनही झालेल्या नाहीत. त्यामुळे सरकारचा बराच महसूल बुडतो. या संस्थांची नोंदणी करून त्यांना कायदेशीर स्वरूप मिळणार आहे.