Mhaus Gramsabha

वाळपई: म्हाऊस पंचायतीमधील गावे अतिसंवेदनशील प्रस्तावमुळे संकटात आली असून अतिसंवेदनशील क्षेत्र मंजूर झाले तर आम्ही करायचे काय? हा प्रश्‍न आहे. आमचा या प्रस्तावाला विरोध असून ही गावे वगळावी, अशी माऊसच्या खास ग्रामसभेत मागणी करण्यात आली.

यावेळी सरपंच सुलभा देसाई, उपसरपंच राधीका सावंत, पंच कांता गावस, प्रिती गावकर, गुरुदास गावस, पंचायत सचिव संदीप हल्याळी तसेच इतर ग्रामस्थांची उपस्थित होते

यावेळी पंचायत सचिव संदिप हल्याळी यांनी उपस्थितांसमोर अति संवेदनशीलविषयी विषय मांडला. त्यात सविस्तर चर्चा करुन ठराव घेण्यात आला.

सरपंच सुलभा देसाई म्हणाल्या, दाबे, म्हाऊस, झर्मे, नागवे कोपार्डे गावांचा समावेश झाल्यास येथील शेतीवर परिणाम होईल. ही गावे जर अतिसंवेदनशील क्षेत्रात गणली गेली, तर आमच्यावर मोठे संकट येणार आहे. यासाठी आमचा या प्रस्तावाला विरोध असून सरकारने आमची सर्व गावे अतिसंवेदनशील क्षेत्रामधून वगळावी. माऊस परिसरातील अनेक गावे या परिसरातील शेती, बागायतीवर अवलंबून आहेत. अतिसंवेदनशील क्षेत्रात ही गावे आल्यास तेथे जाणे-येणे कठीण होईल. रोजच्या जगण्यावरच निर्बंध येतील, त्यासाठी ही गावे वगळावी.