Bicholim: गोवा ही राज्य पर्यटनासाठी जितके प्रसिद्ध आहे तितके इथल्या विकासासाठी आणि सोयींसाठी सुद्धा प्रसिद्ध आहे. पंतप्रधान नरेंद्र मोदी (PM Narendra Modi) यांच्या ‘आत्मनिर्भर भारत (Aatmnirbhar Bharat)’ या योजनेनुसार देशात विकासाला चालना मिळाली आहे.

गोव्यातही विकासाच्या दृष्टीने अनेक नवनवीन उपक्रम राबविण्यात येत आहेत. यातच ‘राज्यभरातील प्रत्येक शहरात सर्व आधुनिक सुविधा उपलब्ध करून देण्यासाठी राज्य सरकारने मास्टर प्लॅन तयार केला आहे’, असे प्रतिपादन मुख्यमंत्री प्रमोद सावंत यांनी केले आहे.

बिचोली नगरपरिषद हद्दीतील वाल्शिम ते बिचोलीम या रस्त्याच्या सुशोभिकरण व रस्ता रुंदीकरणाच्या कामाला सुरुवात होणार आहे. याच्या भूमिपूजनावेळी मुख्यमंत्री बोलत होते. ते म्हणाले की, 5 कोटी रुपये खर्चाच्या या प्रकल्पात दुचाकी वाहनांसाठी स्वतंत्र लेन, ज्येष्ठ नागरिकांसाठी फूटपाथ, सीसीटीव्ही निगराणी आणि इतर सुविधांचाही समावेश असेल.