Goa: येत्‍या 31 डिसेंबरपर्यंत मध्यरात्रीपर्यंत ध्वनिक्षेपक मर्यादेवर सूट मिळण्‍याची शक्यता पर्यावरणमंत्री नीलेश काब्राल यांनी व्यक्त केली. पर्यावरण संरक्षण कायदा हा केंद्र सरकारच्या अखत्‍यारीत येतो.

शिवाय उच्च न्यायालय सध्‍या ध्‍वनिप्रदूषणावर लक्ष ठेवून आहे असेही काब्राल म्‍हणाले. आपण यासंदर्भात मुख्यमंत्र्यांशी चर्चा केलेली आहे.

ध्‍वनी मर्यादेवर सूट देण्यासाठी सरकारला 15 ते 31 डिसेंबरपर्यंतचे दिवस सूचित करावे लागतील असे मुख्यमंत्र्यांचे म्हणणे आहे. पुढील वर्षापासून सरकार आणखी काही दिवस ही मर्यादा सूट देण्याचा विचार करीत आहे.

न्यायालय त्यावर लक्ष ठेवून असल्याने सरकारला तसा ठोस निर्णय घेता येणार नाही, असेही काब्राल म्हणाले. सासष्टीतील नाताळ नृत्य आयोजक सध्‍या ध्वनी मर्यादेवरुन संभ्रमात आहेत. मध्यरात्रीच्या मासनंतर आयोजक नृत्य कार्यक्रमांचे आयोजन करण्याच्या विचारात आहेत.