Encroachments at Vasco market : वास्कोतील भाजी मार्केटमध्ये विक्रेत्यांचे अतिक्रमण आणि अडथळे पुन्हा समोर आले असून, नागरिकांनी याबाबत कारवाईची मागणी केली आहे. मुरगाव नगरपालिकेच्या वास्को बाजार (Vasco market) समितीने अतिक्रमण विरोधी मोहीम जोमाने राबविली आहे.

मात्र, गेल्या काही महिन्यांपासून राज्याच्या विधानसभा निवडणुकीमुळे हा प्रश्न सोडवण्यात पालिका अपयशी ठरली आहे. दुकानदारांच्या मुक्त संचारासाठी बाजारपेठ अधिक सुव्यवस्थित आणि प्रशस्त करण्याची गरज असल्याचे मत नागरिकांनी व्यक्त केले आहे.

आता निवडणुका संपल्या आहेत, गोष्टी पुन्हा रुळावर येण्याची गरज आहे. अशा बेकायदेशीर गोष्टीं ताबडतोब कारवाई केली पाहिजे, असे मत एका दुकानदाराने व्यक्त केले. मुरगाव नगरपालिकेच्या वास्को बाजार समितीने मार्केटमधील अतिक्रमणे (Encroachments) प्राधान्याने हटविण्याचे आश्वासन दिले होते. वास्को बाजार समितीचे प्रभारी मॅथियास मॉन्टेरो यांनी सांगितले की, त्यांनी इतर समिती सदस्यांसह बाजार रस्त्यावरील अतिक्रमणे हटवण्यासाठी यापूर्वी अनेक मोहिमा राबवल्या होत्या. मात्र आता नागरिक त्रस्त असल्याने ही हटाव मोहीम लवकरात लवकर करण्याची मागणी नागरिकांनी केली आहे.