Employment Awareness Camp: फोंड्यातील 6 टीटीआर लष्करी तळातर्फे धारबांदोडा येथे काल केंद्र सरकारची रोजगार योजना जागृती तसेच वैद्यकीय शिबिराचे आयोजन करण्यात आले. धारबांदोड्यातील सरकारी संकुलात हे दोन्ही कार्यक्रम झाले.

विशेषतः केंद्र सरकारच्या प्रधानमंत्री गरीब कल्याण रोजगार अभियानासंबंधी या कार्यक्रमात सविस्तर माहिती देण्यात आली. सार्थक फाउंडेशनच्या सहकार्याने आरोग्य शिबिर घेण्यात आले. त्याला उस्फूर्त प्रतिसाद मिळाला.

6 टीटीआरचे मेजर आर. एस. भंडारी, सुभेदार पंकज कुमार यांनी उपस्थितांना उपयुक्त माहिती दिली. डॉ. समीर जोशी तसेच सार्थक फाउंडेशनचे सुदेश नार्वेकर यांनी आरोग्य शिबिरात सहकार्य केले. महेश नाईक यांनी आभार मानले.