फोंडा: दूधसागर जीप असोसिएशनच्या निवडणुकीत सदस्यांनी उत्स्फूर्त सहभाग नोंदवत नव्या नेतृत्वावर विश्वास व्यक्त केला. पार पडलेल्या या निवडणुकीत एकूण ४३१ सदस्यांपैकी ३९६ सदस्यांनी मतदानाचा हक्क बजावला. मतमोजणीनंतर विविध उमेदवारांमध्ये चुरशीची लढत पाहायला मिळाली. या निवडणुकीत नीलेश वेळीप यांनी सर्वाधिक ३०१ मते मिळवत आघाडी घेतली.

त्यांच्यासोबत दिलीप मायरेकर यांना २८४ मते, मयूर मराठे यांना २४२ मते, बेनी अझावेदो यांना २३६ मते, यांना नंदेश देसाई यांना २२९ मते आणि सतीश सातपालकर यांना २१५ मते मिळाली, तसेच अतानियो सौझा यांना १८३ मते, अतानियो पॉल मास्कारेन्स १७२ मते आणि राजीव खांडेपारकर यांना १७० मते मिळाल्याने त्यांचीही निवड निश्चित झाली. निकाल जाहीर होताच विजयी उमेदवारांच्या समर्थकांनी जल्लोष करत आनंद व्यक्त केला. दूधसागर पर्यटनाशी संबंधित जीप व्यवसायात या असोसिएशनची भूमिका महत्वाची मानली जात असल्याने या निवडणुकीकडे सर्वांचे लक्ष लागले होते.