सासष्टी: कुडतरी येथील दयानंद सामाजिक सुरक्षा व लाडली लक्ष्मी योजनेच्या लाभार्थ्यांच्या बॅंक खात्यांत अजून रक्कम जमा केली नाही. या योजनांचा लाभ संबंधितांना त्वरित द्यावा, अशी मागणी आमदार आलेक्स रेजिनाल्ड लॉरेन्स सरकारला केली आहे.

(‘DSSY, take advantage of Ladli Lakshmi Yojana’)

दयानंद सामाजिक सुरक्षा योजनेची रक्कम जानेवारी 2022 पासून तर लाडली लक्ष्मी योजनेची रक्कम 2018 पासून खात्यांत जमा केलेली नाही. लाडली लक्ष्मी योजनेत अर्ज केलेल्यांची संख्या 81 हजारावर पोहोचते. हे अर्ज महिला व बालकल्याण खात्यामध्ये पडून आहेत. तर 18 वर्षे पूर्ण केलेल्या मुलींनी केलेल्या अर्जांची संख्या 71 हजारावर पोहचली असल्याचे आमदार आलेक्स रेजिनाल्ड लॉरेन्स यांनी पत्रकात नमूद केले आहे.