Drunk Bike Driver Hit A Mini Bus In Pernem : पत्रादेवी येथे दुचाकी व मिनीबसमध्ये अपघात झाला आहे. या अपघातात दुचाकीस्वारासह त्याच्या मागे बसलेली व्यक्ती जखमी झाली आहे. मद्यधुंद अवस्थेत असलेल्या दुचाकीस्वाराने विरुध्द दिशेने वाहन चालवल्याने हा अपघात झाला असे प्रत्यक्षदर्शींनी सांगितले. दुचाकीचालक बांदा-डेगवे येथील असल्याचे समोर आले आहे.

असाच एक अपघात रविवारी रात्री बाणास्तरी पुलावर घडला. आलीशान मर्सिडिज कारने विरुध्द दिशेने येत दोन दुचाकी व तीन चारचाकी वाहनांना धडक दिली. या कारमध्ये मद्याच्या बाटल्या सापडल्या. तसेच कार चालविताना तो दारूच्या नशेत होता हे वैद्यकीय चाचणीत स्पष्ट झाले आहे.

मार्दोळ पोलिसांनी पहाटे या चालकाला अटक केली. श्रीपाद सावर्डेकर असे त्याचे नाव आहे. या अपघातात दुचाकीवरील तिघांचा मृत्यू झाला तर एका दुचाकीवरील सहचालक तसेच एका कारमधील दोघेजण मिळून तिघे गंभीर जखमी झाले.