Goa Drug Case: अंमलीपदार्थविरोधी कक्षाच्या पथकाने काल मध्यरात्रीच्या सुमारास आसगाव येथे छापा टाकून सराईत ड्रग्स तस्कर प्रसाद वाळके याला शिताफीने अटक केली व त्याच्याकडून 4.2 लाखांचा ड्रग्ज जप्त केला.

न्यायालयाने त्याला पोलिस कोठडी ठोठावली आहे. यापूर्वी संशयित प्रसाद वाळके याला दोनवेळा ड्रग्जप्रकरणी अटक झाली होती.

2018 मध्ये नार्कोटिक्स कंट्रोल ब्युरोने (एनसीबी) त्याच्याविरुद्ध कारवाई करून एलएसडी, कोकेन, एक्स्टसी व गांजा जप्त केला होता.

2021 साली पुन्हा एनसीबीने सिने अभिनेता सुशांत सिंग राजपूत याच्या मृत्यूप्रकरणी तपास करत असताना त्याला पुन्हा अटक केली होती व त्याच्याकडून मोठ्या प्रमाणात एलएसडी ब्लॉट्स जप्त केले होते.

या दोन्ही प्रकरणात तो जामिनावर होता मात्र ड्रग्ज तस्करीमध्ये गुंतला असल्याची माहिती अंमलीपदार्थविरोधी कक्षातील पोलिसांना मिळाली होती.