Chivar, Anjuna: आंघोळीसाठी गेलेल्या युवकाचा विहिरीत बुडून मृत्यू झाल्याची घटना चिवार, हणजूण येथून समोर आली आहे. काही मुलांचा ग्रुप आंघोळीसाठी गेला असता आज (गुरुवार, दि.07) ही घटना घडली.

साहिल अन्वर (वय 16) असे या मृत युवकाचे नाव आहे.

मिळालेल्या माहितीनुसार, साहिल अन्वर काही मित्रांसोबत चिवार येथे विहिरीत आंघोळीसाठी गेला होता. दरम्यान, यावेळी साहिल विहिरीत बुडला.

स्थानिकांनी म्हापसा अग्निशमन दलाला घडलेल्या प्रकाराची माहिती दिली, घटनास्थळी दाखल झालेल्या जवानांनी साहिलाचा मृतदेह बाहेर काढला.