Gauri Achari Murder Case: गौरी आचारी खून प्रकरणात संशयित गौरव बिद्रे याच्याविरोधात जुने गोवा पोलिसांनी अतिरिक्त आरोपपत्र न्यायालयात सादर केले आहे. नव्याने सादर केलेल्या तीस पानी आरोपपत्रात आणखी आठ साक्षिदारांचा उल्लेख केला आहे.

ओखळ परेडमध्ये संशयिताला ओळखले होते आणि त्याचे अशाच प्रकारे इतर मुलींशी संबध होते अशी माहिती आरोपपत्रात देण्यात आली आहे.

खांडोळा सरकारी महाविद्यालयाच्या प्राध्यापिका डॉ. गौरी आचारी 23 जून 2022 रोजी बेपत्ता झाल्याची तक्रार तिच्या आईने जुने गोवा पोलिसांत दिली होती. पोलिसांनी संशयित गौरव बिद्रेला ताब्यात घेऊन त्याची कसून चौकशी केली होती.

खोर्ली-जुने गोवे येथे गौरीच्या घराजवळच कारमध्ये तिचा खून करून मृतदेह कदंब पठाराजवळच्या झुडपात टाकल्याची माहिती समोर आली होती. पोलिसांनी बिद्रे विरोधात गुन्हा दाखल करून त्याला अटक केली होती.

दरम्यान, ओळख परेडमध्ये गौरव बिद्रे याचा चाचणी अहवाल सकारात्मक आला. याशिवाय पोलिसांनी बिद्रे याचे आणखी मुलीबरोबर मैत्रीचे सबंध असल्याचे समोर आले आहे.