मडगाव: दैवज्ञ समाजाचे अध्यक्ष म्हणून निवडून आल्यानंतर समाजाच्या आमसभेला संबोधित करत असतानाच हृदविकाराचा तीव्र झटका आल्याने डॉ. दिलीप वेर्णेकर (Dilip Vernekar) (69) यांचे आकस्मिक निधन झाल्याने सर्व उपस्थितांना धक्का बसला.

अखिल गोवा (Goa) दैवज्ञ समाजाची काल सायंकाळी मडगावच्या (Margao) दैवज्ञ भवनात आमसभा चालू असताना हा प्रकार घडला. आभाराचे भाषण चालू असतानाच त्यांना हा तीव्र झटका आल्याने ते खाली कोसळले. त्यांना तातडीने व्हिक्टर इस्पितळात (Hospital) हलविण्यात आले असता त्यांना तिथे मृत जाहीर करण्यात आले.

डॉ. वेर्णेकर हे नुवे भाजप मंडळाचे अध्यक्ष होते. त्यांच्यामागे पत्नी दीपा, पुत्र कौस्थुब विवाहित कन्या धनश्री नंदन बांदोडकर असा परिवार असून आज 4 रोजी दुपारी 12 वाजता त्यांच्या किरभाट नुवे येथील निवासस्थानाहून त्यांची अंत्ययात्रा मडगाव हिंदू स्मशानभूमीकडे निघणार असल्याचे त्यांच्या कुटुंबियांनी कळविले आहे.