काँग्रेस (Congress) व मगो पक्षातून भाजपमध्ये (BJP) प्रवेश केलेल्या 12 आमदारा विरुद्धची आमदार अपात्रता याचिका मुंबई उच्च न्यायालयाच्या (Mumbai High Court) गोवा खंडपीठाने पुन्हा तहकूब करून ती आता येत्या 20 डिसेंबरला सुनावणीसाठी ठेवली आहे.

दरम्यान, भाजपमध्ये गेलेल्या कॉंग्रेसच्या 10 आणि मगोच्या 2 आमदारांविरुद्धच्या अपात्रता याचिकेवर निवाडा देत असताना सभापतींनी फेटाळल्याने त्या निवाड्याला मुंबई उच्च न्यायालयामध्ये आव्हान देणारी याचिका दाखल करण्यात आली होती. राज्यघटनेच्या परिशिष्ट 10 नुसार एखाद्या विधिमंडळातील दोन तृतियांश आमदार फुटुन दुसऱ्या पक्षात प्रवेश करणे सक्तीचे आहे. मात्र गोव्यात असे घडले नाही. दोन तृतियांश आमदार फुटुन गेले असले तरी, कॉंग्रेसचे अजनूही विलीनकरण झालेले नाही. त्यामुळे सभापतींनी दिलेला निवाडा हा बेकायदेशीर असल्याचा युक्तीवाद कॉंग्रेसचे जेष्ठ वकील विवेक तांका यांनी मागील सुनावणीच्यावेळी म्हटले होते.

शिवाय, काँग्रेस पक्षाच्या याचिकेत उपमुख्यमंत्री बाबू कवळेकर, मंत्री फिलिप नेरी रॉड्रिग्स, मंत्री जेनिफर मोन्सेरात, आमदार बाबूश मोन्सेरात, आमदार क्लाफासिओ डायस, आमदार विल्फ्रेड डिसा, आमदार टोनी फर्नांडिस, आमदार फ्रान्सिस सिल्वेरा, आमदार नीळकंठ हळर्णकर, उपसभापती इजिदोर फर्नांडिस, तर मगोतर्फे दाखल केलेल्या याचिकेत मंत्री दीपक पाऊस्कर, उपमुख्यमंत्री बाबू आजगावकर यांचा समावेश आहे.