मडगाव: दवर्ली पंचायतीच्या सरपंच निधी मालवणकर यांच्या विरोधात आठ पंच सदस्यांनी अविश्वास ठरावाची नोटीस दिली असून त्यांच्यावर कार्यालयात सतत गैरहजर राहिल्याने विकासकामांचा खोळंबा झाल्याचा ठपका ठेवण्यात आला आहे.हेर्क्युलांन नियासो आणि अन्य सात पंचांनी या अविश्वास ठरावावर सह्या केल्या असून सासष्टीच्या गट विकास अधिकाऱ्यांच्या कार्यालयात ही नोटीस दिली आहे.दरम्यान, सरपंच निधी मालवणकर यांच्या विरोधात अविश्वास ठराव दाखल केल्यामुळे सत्तानाट्य रंगल्याची चर्चा आहे.

धारबांदोडातील लांबोर यांच्यावरील अविश्वास ठराव संमत

कुळे- शिगाव पंचायतीचे सरपंच मनीष लांबोर यांच्यावर अविश्वास ठराव संमत करण्यात आला. आठ विरुद्ध शून्य अशाा मतांनी तो संमत झाला. गेल्या आठवड्यात सरपंच मनीष लांबोर यांच्यावर पाच पंच सदस्यांनी अविश्वास ठराव दाखल केला होता‌.

या विषयावर चर्चा करण्यासाठी खास बैठक बोलविण्यात आली होती. बैठकीत मच्छिंद्र देसाई, निशा शिगावकर, आरुषी सावंत, नंदेश देसाई व उपसरपंच खुशी वेळीप यांनी ठरावावर सह्या केल्या होत्या. निर्वाचन अधिकारी म्हणून गट विकास कार्यालयाचे विस्तार अधिकारी देऊ माईणकर उपस्थित होते.