सरकारी सेवेत असूनही काही सरकारी कर्मचाऱ्यांनी त्यांच्या कुटुंब सदस्यांसाठी गृहआधार योजनेचा लाभ घेतला. मात्र, अशा सरकारी कर्मचाऱ्यांना महिला व बालविकास संचालनालयाकडून दणका देण्यात आला आहे.

ज्यांनी या योजनेसाठी अपात्र असूनदेखील लाभ घेतला त्या कर्मचाऱ्यांकडून गेल्या वर्षभरात 68 लाख 326 रुपयांची वसुली करण्यात आली आहे. गृहआधार योजनेचा गैरफायदा घेतलेल्या 80 कर्मचाऱ्यांची पूर्णपणे वसुली करण्यात आली आहे.

गरीब महिलांच्या कुटुंबासाठी आधार

गोरगरीब महिलांच्या कुटुंबाला ‘गृहआधार योजना’ ही योजना आधार देते. अनेक महिला आपल्या कुटुंबीयांचे संगोपन या योजनेतून मिळणाऱ्या मानधनावर करत असतात. राज्यातील 1 लाख 70 हजार 468 महिलांना या योजनेचा लाभ प्राप्त होणे म्हणजेच तेवढ्या कुटुंबीयांना अल्प प्रमाणात का होईना आधार देणे या योजनेतून घडत आहे.

गृहआधारबाबत माहिती

गृहआधार मंजूर महिलांची संख्या- 1,70,468

पडताळणीनंतर रद्द अर्जांची संख्या- 22,305

विचाराधीन किंबा प्रलंबित अर्जांची संख्या - 12,174

सरकारी कर्माचाऱ्यांकडून वसूल केलेली रक्कम - 68 लाख 326 रु.

पूर्णपणे रक्कम वसुली केलेल्या सरकारी कर्मचाऱ्यांची संख्या - 80