बेतोडा येथील डोंगरकापणीत आपले नाव गोवण्याचा जो प्रकार आहे, तो निषेधार्ह आहे. आपण ती जागा सांतोबा एज्युकेशन सोसायटी गुरुकुल अकादमीसाठी विकली आहे आणि ती जागा ती सोसायटी विकसित करीत असेल.

त्यामध्ये आपला काहीही संबंध नसताना कोणीतरी आपले नाव घेऊन आपल्या कुटुंबाला शिवीगाळ केली आहे. त्याविरोधात आपण कायदेशीर पाऊल उचलणार असल्याचे माजी मंत्री तथा मगोपचे अध्यक्ष दीपक ढवळीकर यांनी ‘गोमन्तक''ला सांगितले.

त्या व्हिडिओमध्ये आपल्या कुटुंबालाही व्हिडिओ करणाऱ्यांनी शिविगाळ केली आहे. आपल्या मालकीच्या जागेपैकी 10 हजार चौरस मीटर जागा आपण गुरुकुल अकादमीसाठी विकली आहे. त्यामुळे आता आपला त्या जागेशी काहीही संबंध नाही, असे ढवळीकर म्हणाले.