पणजी: कोरोना काळात परीक्षा ऑनलाइन झाल्यामुळे विद्यापीठाने पुनर्मूल्यांकन प्रक्रिया थांबवली होती. मात्र, आता परीक्षा प्रक्रिया पूर्णपणे ऑफलाईन आहे. त्यामुळे उत्तरपत्रिकांची फेरतपासणी पुन्हा सुरू करणे महत्त्वाचे झाले आहे.

(Demand to Goa University 'restart the revaluation process')

त्यामुळे विद्यापीठाने पुनर्मूल्यांकन प्रक्रिया सुरू करावी, अशी मागणी करणारे निवेदन पेडणे येथील संत सोहिरोबानाथ आंबिये महाविद्यालयाच्या विद्यार्थ्यांसह अभाविपच्या पेडणे शाखेने केले आहे. या मागणीचे निवेदन अभाविपने महाविद्यालय प्रशासनास दिले आहे. महाविद्यालयाने विद्यापीठाकडे विद्यार्थ्यांची मागणी पोहोचवावी, असे विद्यार्थ्यांचे म्हणणे आहे. परीक्षेच्या निकालानंतर विद्यार्थ्यांना भेडसावणाऱ्या समस्यांविषयी अभाविप कोकण प्रदेश सहमंत्री अवधूत कोटकर म्हणाले, याविषयी आम्ही गोवा विद्यापीठाचे दरवाजे ठोठावणार आहोत.