बांबोळी: बायंगिणी बीचवर मागील वर्षी एका हॉटेलने भिंत बांधली आहे. स्थानिकांनी गोवा कोस्टल झोन मॅनेजमेंट अथॉरिटी (GCZMA) कडे याबाबत तक्रार केली होती परंतू प्राधिकरणाने संथ गतीने प्रतिसाद दिल्यामुळे भिंत बांधण्याचे काम युद्धपातळीवर सुरू असून ते जवळपास पुर्णत्वाच्या वाटेकडे आहे.

अश्या पर्यावरणीय (Environment) संवेदनशील भागात, सिमेंट आणि इतर पर्यावरणीय हानिकारक गोष्टींचा वापर करण्यात आलेला आहे. हा धक्कादायक आरोप तक्रारकर्त्याने केला असून, त्यांनी केलेल्या दावे सिध्द करण्यासाठी काही संबंधित छायाचित्रे सादर केलेली आहेत. “समुद्र (Goa Beach) किनार्‍यावर अतिक्रमण करण्यापेक्षा आहे त्या पूर्व जागेवरच दुरुस्ती किंवा पुनर्बांधणी केली पाहिजे होती असे ते म्हणाले.

ते पुढे म्हणाले GCZMA ने हा गैरप्रकार थांबवण्यास केलेला विलंब संशयास्पद असुन. संबंधितांनी गॅबियन भिंत बांधण्यासाठी परवानगी दिली होती. मात्र या ऐवजी या ठीकाणी समुद्रकिनारी खोदून काँक्रीटची भिंत बांधण्यात आली आहे. असे तक्रारदाराने स्पष्ट केले.