केपे: आंबेघाट येथे सापडलेल्या मानवी सांगड्याचा शवचिकित्सा अहवाल पोलिसांना मिळाला असून हा सांगाडा गरोदर महिलेचा होता व तिचे वय साधारण चोवीस वर्षाच्या आत असल्याचे पोलिसांनी सांगितले आहे.

(Decomposed Skeleton of a pregnant woman was found in Ambeghat Goa )

केपे पोलिसांना मानवी हाडांचा सांगाडा दि. 5 रोजी आंबेघाट, काणकोणला जाणाऱ्या रस्त्याचा बाजूला एका पिशवीत सापडला होता. दि.6 रोजी सदर मानवी सांगाडा महिलेचा की पुरुषाचा याची तपासणी करण्यासाठी शवचिकित्सा करण्यात आली होती.

या चिकित्सा अहवालातून तो मानवी सांगाडा महिलेचा असून ती गरोदर होती, असे स्पष्ट झाले आहे. असे पोलीस निरीक्षक दीपक पेडणेकर यांनी सांगितले. केपे पोलिसांनी अज्ञात व्यक्तिविरुद्ध खुनाचा गुन्हा नोंद केला असून, सदर महिलेची ओळख अद्याप पटली नसल्याने पोलिसांसमोर पेच निर्माण झाला असून पोलीस तपास चालू आहे.