तिसवाडी: आजोशी येथील रस्त्याच्या बाजूला धोकादायक स्थितीत असलेले घर जमीन दोस्त करण्यात आले. जुने गोवा-पिलार मार्गावर हे घर असल्याने कोसळण्याची भीती निर्माण झाली होती. त्यामुळे मामलेदार कार्यालयाकडून आदेश आणून हे जमीनदोस्त करण्यात आले.

घराची एक भिंत पूर्वी कोसळून दगड रस्त्याच्या बाजूला पडले होते. घर रिकामी असून मालक तेथे राहत नाही. भिंत कोसळल्याची माहिती मिळाल्यानंतर निरीक्षण करून घर मालकांना सूचित करण्यात आले होते.

त्यांच्याकडून पुन्हा संपर्क साधला नसल्या पंचायत राज कायदा कलम ७६ अंर्तगत मामलेदारांकडून आदेश आणून अखेर हे घर जमीनदोस्त केले, असे सरपंच प्रशांत नाईक यांनी स्पष्ट केले.

आजोशी येथील संबंधित घराच्या संदर्भात दै. गोन्मकतकडून २२ जुलै रोजी वृत्त प्रसिद्ध करण्यात आले होते.