दाबोळी विमानतळावर बॉम्ब असल्याच्या धमकीचा ईमेल विमानतळ प्रशासनाला प्राप्त झाला आहे. धमकीच्या ईमेलनंतर सुरक्षा यंत्रणा सतर्क झाली असून, विमानतळ परिसरात सुरक्षेत वाढ करण्यात आली आहे.
विमानतळ संचालक एस व्ही टी राव यांनी पीटीआयशी बोलताना दिलेल्या माहितीनुसार, विमानतळ कार्यालयाला सोमवारी (दि.२९) सकाळी विमानतळावर बॉम्ब असल्याचा ईमेल प्राप्त झाला.
ईमेल प्राप्त झाल्यानंतर विमानतळावर सुरक्षा वाढविण्यात आली असून, सुरक्षेची सर्व काळजी घेतली जात आहे. दरम्यान, यामुळे विमान उड्डाण प्रभावित झाली नसल्याची माहिती राव यांनी दिली.
विमानतळ प्रशासनाच्या वतीने याबाबत दाबोळी पोलिस स्थानकात तक्रार दाखल दाखल केली असून, बॉम्ब निकामी पथक घटनास्थळावर दाखल झाले असून, आवश्यक तपासणी केली आहे.
सुरक्षेच्या निमित्ताने सर्व प्रकारची तपासणी आणि चौकशी केली जात असल्याचे, राव म्हणाले. धमकीचा ई-मेल कोठून प्राप्त झाला याबाबत माहिती घेतली जात असल्याची त्यांनी माहिती दिली.
दरम्यान, यापूर्वी देखील दाबोळी विमानतळावर बॉम्ब असल्याची धमकी प्राप्त झाली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.