Dabolim Bike Rider accident Dainik Gomantak
गोवा

Dabolim Bike Rider accident: दुचाकीवर कोसळलं होर्डिंग, दुचाकीस्वार थोडक्यात वाचला; दाबोळीतील धक्कादायक घटना

Dabolim Hoarding Accident: दाबोळी विमानतळासमोरील चौपदरी महामार्गालगत असलेल्‍या जाहिरात फलकाचा (होर्डिंग) काही भाग तेथून जाणाऱ्या दुचाकीवर कोसळला.

गोमंतक ऑनलाईन टीम

वास्को: दाबोळी विमानतळासमोरील चौपदरी महामार्गालगत असलेल्‍या जाहिरात फलकाचा (होर्डिंग) काही भाग तेथून जाणाऱ्या दुचाकीवर कोसळला. सुदैवानेच दुचाकीस्वार ओंकार सावंत हा युवक बचावला. हेल्‍मेट असल्‍यामुळे त्‍याचा जीव वाचला, पण त्याच्या हातापायांना, खांद्याला किरकोळ दुखापत झाली. तसेच दुचाकीचे नुकसान झाले.

या धोकादायक फलकाबाबत सामाजिक कार्यकर्त्यांनी काही दिवसांपूर्वी आवाज उठविला होता. फलकाचा पत्रा सुटून लोंबकळत असल्याचे निदर्शनास आणून देतानाच राष्ट्रीय महामार्ग प्राधिकरणाच्या अधिकाऱ्यांकडे कारवाईची मागणी केली होती. काही प्रसारमाध्यमांनीही याबाबत वृत्त प्रसिद्ध केले होते. मात्र, योग्य ती उपाययोजना न झाल्याने आज मंगळवारी फलकाचा मोठा भाग कोसळला.

विशेष म्‍हणजे फलकाचा भाग कोसळत असल्याचे दुचाकीस्‍वार ओंकारच्‍या लक्षात आले; मात्र तरीही तो अपघात रोखू शकला नाही. फलक त्‍याच्‍यावरच कोसळला. अन्य एका दुचाकीस्वार वेळीच वेग वाढवून बाजूने निघून गेल्याने बचावला.

हेल्मेटमुळे वाचला ओंकार सावंतचा जीव

भला मोठा फलक दुचाकीवर कोसळूनही ओंकार सावंत हेल्मेटमुळे बचावला. अशा धोकादायक जाहिरात फलकांबाबत तातडीने उपाययोजना करा, अशी मागणी आता जाेर धरू लागली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

कुलगाममधील CRPF पथकावर हल्ला करणाऱ्या दहशतवाद्यांचा खात्मा; लष्कर-ए-तैयबाचा कमांडर लतीफ भटसह दोन दहशतवादी चकमकीत ढेर

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

SCROLL FOR NEXT