मडगाव: कुटबण जेटीवर अवैधरीत्या पार्क करून ठेवलेल्या डिंगी बोटी सात दिवसांत हटवाव्यात अशी मच्छीमार खात्याने नोटीस बजावूनही त्या न हटविल्याने मंगळवारी या तीनही बोटी जप्त करण्यात आल्या.
या बोटी सध्या मच्छीमार खात्याच्या कार्यालयाकडे ठेवण्यात आल्या आहेत. वाहतुकीला अडचणीच्या ठरणाऱ्या अन्य बोटींही लवकर हलवाव्यात, अन्यथा त्याही जप्त केल्या जातील, असा इशारा देण्यात आला आहे.
मच्छीमार खात्याच्या दक्षिण गोव्याच्या अधीक्षक वर्षा नाईक देसाई यांनी दिलेल्या माहितीप्रमाणे ११ नोव्हेंबर रोजी मच्छीमार खात्याने सात दिवसांच्या आत या बोटी हलवण्यात याव्यात अशी नोटीस जारी केली होती. ही मुदत संपल्याने कारवाई सुरू केली आहे, असे सांगितले.
ज्या डिंगी बोटी जप्त करण्यात आले आहेत त्याचे मालक कोण ते सापडत नाहीत आणि त्यांचे नोंदणी क्रमांकही नाहीत, असे देसाई यांनी सांगितले. दरम्यान, मच्छीमार खात्याच्या नोटिसीचा आदर करून बोटींच्या वाहतुकीला अडचणीच्या ठरणाऱ्या या डिंगी बोटी बोट मालकांनी स्वतःहून हलवाव्यात आणि मच्छीमार खात्याला सहकार्य करावे, असे मच्छीमार संघटनेचे अध्यक्ष सावियो डिसिल्वा यांनी केले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.