Madkai News : मडकई, प्रियोळ मतदारसंघातील कुंकळ्ये येथील नूतनीकरण करण्यात आलेल्या सरकारी प्राथमिक शाळा इमारतीचे उद्‍घाटन कला संस्कृती मंत्री गोविंद गावडे यांच्या हस्ते करण्यात आले.

यावेळी जिल्हा पंचायत सदस्य दामोदर नाईक, सरपंच हर्षा गावडे तसेच इतर पंच, सरकारी खात्यांचे अधिकारी व शाळेचे शिक्षक उपस्थित होते.

या शाळा इमारतीच्या नूतनीकरणासाठी पालकांनी जोर लावला होता. या मराठी शाळेत पटसंख्याही चांगली असल्याने मंत्री गावडे यांनी नूतनीकरण कामाला चालना दिली आणि निर्धारित वेळेत हे काम पूर्ण करून लोकार्पण केले.

यावेळी गावडे यांनी सांगितले की, प्राथमिक शाळांतून शिकणाऱ्या मुलांनी आज मोठी भरारी मारली असून या शाळा अबाधित ठेवण्यासाठी सरकारकडून मोठे प्रयत्न करण्यात येत आहेत.

कुंकळ्येतील शाळेबरोबरच मतदारसंघातील इतर अनेक शाळा इमारतींचे नूतनीकरण करण्यात आले आहे. काहींचे लोकार्पण करण्यात आले आहे तर काहींचे व्हायचे आहे.

विकासची ही कामे अशीच चालू राहणार असून नागरिकांचा पाठिंबा विकासकामांना मिळत असल्याने ही कामे पूर्ण होत आहेत, असे ते म्हणाले.