Madkai News : मडकईतील प्रसिद्ध देवी नवदुर्गेच्या जत्रोत्सवात रथोत्सव उत्साहात झाला. या रथोत्सवाला भाविकांची अलोट गर्दी लाभली होती. ढोलताशांच्या गजरात आणि भाविकांच्या प्रचंड उपस्थितीत देवीचा रथ नाचवण्यात आला.

देवीचा हा रथोत्सव पहाटे व संध्याकाळी झाला. या रथोत्सवाला उत्तर गोव्याचे खासदार तथा केंद्रीय पर्यटन राज्यमंत्री श्रीपाद नाईक, माजी उपमुख्यमंत्री बाबू कवळेकर तसेच इतर मान्यवरांनी उपस्थिती लावली.

जत्रोत्सव काळात वीजमंत्री सुदिन ढवळीकर तसेच कला संस्कृतीमंत्री गोविंद गावडे यांनीही देवीचे दर्शन घेतले होते.

जत्रोत्सवाला उपस्थित केंद्रीय पर्यटन राज्यमंत्री श्रीपाद नाईक तसेच माजी उपमुख्यमंत्री बाबू कवळेकर यावेळी श्रीपाद नाईक व बाबू कवळेकर यांचा ग्रामस्थांतर्फे श्रीची प्रतिमा भेट देऊन गौरव करण्यात आला.