मडगाव नगराध्यक्ष सर्व नगरसेवकांना घेवून काम करीत नाहीत. याबाबत मी मुख्यमंत्र्यांशीही चर्चा करणार आहे. सर्वांना सोबत घेवून शिरोडकरांना काम करता येत नसल्यास मुख्यमंत्र्यांनी व आमदारांनी पुढील निर्णय घ्यावा अशी मागणी नगरसेवक महेश आमोणकर यांनी केली आहे.

नगरसेवकांच्या कुटुंबीयांना मुख्य रंगमंचावर बसण्यास दिले नाही. त्यांच्यासाठी नगरपालिका इमारतीच्या प्रवेशद्वारावरच दालन खुले केले होते. असे असताना नगराध्यक्ष शिरोडकर यांचे कुटुंब मुख्य रंगमंचावर कसे? असा सवाल आमोणकर यांनी यावेळी उपस्‍थित केला.

नगराध्यक्ष शिरोडकर हे डबल गेम खेळत आहेत. त्‍याबाबत मी कालच आमदार कामत यांच्‍याशी बोललो असून लवकरच मुख्यमंत्र्यांची भेट घेणार आहे असे त्यांनी यावेळी सांगितले.