Goa Drug Case: अमली पदार्थ जवळ बाळगल्याप्रकरणी कर्नाटक आणि मुंबई येथील दोघांना वागातोर येथे अटक करण्यात आली आहे. दोघेही शापोरा फुटबॉल मैदानाजवळ पोलिसांना रेड हॅन्ड सापडले आहेत.

पोलिसांनी दोघांकडून एक लाख 05 हजार रूपये किंमतीचा अमली पदार्थ जप्त केला आहे.

विक्रम उमेश उप्पर (वय 21, रा. दांडेली उत्तर कन्नड, कर्नाटक) आणि साहिल अनिल उज्जनिया (वय 26, रा. मूळ माटुंगा मुंबई, महाराष्ट्र) असे अटक करण्यात आलेल्या दोघांची नावे आहेत.

मिळालेल्या माहितीनुसार, दोघेही शापोरा फुटबॉल मैदान येथे पोलिसांनी छापा टाकला. यात दोघांना अमली पदार्थ बाळगल्यप्रकरणी पोलिसांनी रेड हॅन्ड पकडले. त्यांच्याजवळ दीड किलो गांजा हा अमली पदार्थ सापडला असून, त्याची आंतरराष्ट्रीय बाजारात एक लाख 05 हजार रूपये किंमत असल्याचा अंदाज व्यक्त केला जात आहे.

पोलिस निरीक्षक नितीन हाळर्णकर यांच्या नेतृत्वाखाली गुन्हे शाखेच्या पथकाने पोलिस उप-निरीक्षक जयराम कुंकळकर, हेड कॉन्स्टेबल नित्यानंद हालरणकर, पोलिस कॉन्स्टेबल गोदीश गोलटेकर, पोलिस कॉन्स्टेबल सायमुल्ला मकानदार, पोलिस कॉन्स्टेबल प्रकाश उत्कुरी, पोलिस कॉन्स्टेबल सुदेश मतकर यांच्या पथकाने ही कारवाई केली.