MS Dhoni in Goa

भारतीय क्रिकेट संघाचा माजी कर्णधार महेंद्रसिंग धोनी सुट्टीचा आनंद घेण्यासाठी पत्नी साक्षीसह गोव्यात आला आहे. धोनीसोबत त्याचे खास मित्र देखील आहेत. धोनीचे गोव्यातील फोटो आणि व्हिडिओ समोर आले आहेत.

आयपीएल 2024 (IPL 2024) पूर्वी धोनीचा गोवा दौरा चर्चेत आला असून, त्याचे गोवा ट्रीपचे फोटो व्हायरल होत आहेत.

महेंद्रसिंग धोनी उत्तर गोव्यातील मनोहर आंतरराष्ट्रीय विमानतळावर दाखल झाला. धोनीच्या गोव्यात दाखल झाल्यानंतर विमानतळवरील त्याचा व्हिडिओ एक चाहत्याने शेअर केला आहे.

गोवा विमानतळावर धोनी सफेद रंगाच्या शर्ट आणि ब्ल्यु जीन्समध्ये दिसत आहे. यावेळी त्याच्यासोबत त्याचे मित्र देखील दिसत आहेत.

महेंद्रसिंग धोनीसोबत त्याची पत्नी साक्षी धोनी आणि मित्र पूर्णा पटेल, सिमांत लोहानी व इतर मित्रमंडळी दिसत आहेत. धोनी अतिशय कूल अंदाजात गोव्यात निवांत वळ घालवत आहे.

धोनीसाठी आयपीएल सुरु होण्यापूर्वी ही रिफ्रेशमेंट ट्रीप आहे. या वर्षीचा आयपीएल त्याच्यासाठी अतिशय खास असणार आहे. समाज माध्यमांवर होत असलेल्या चर्चांनुसार धोनीसाठी हा अखेरचा आयपीएल हंगमा ठरण्याची शक्यता आहे.

धोनी भारतीय क्रिकेट संघाचा तसेच चेन्नई सुपर किंग्ज या आयपीएल संघाचा देखील प्रसिद्ध कर्णधार ठरला आहे.

धोनीने त्याच्या क्षमतांनी वेळेवेळी संघाच्या मोठे विजय मिळवून दिले आहेत तर, अनेकवेळा संघाला विजयाच्या जवळ नेऊन ठेवले आहे. यावेळी देखील त्याच्या आणि संघाच्या कामगिरीकडे सर्वांचे लक्ष राहणार आहे.