Minister Subhash Shirodkar Dainik Gomantak
गोवा

Credit Societies Loans: क्रेडिट सोसायट्यांच्या कर्जाबाबत कडक कायदा, मंत्री शिरोडकरांनी केले सूतोवाच; वाचा

Subhash Shirodkar: अनुत्पादित (एनपीए) कर्ज होता कामा नये. तसे केल्यास संबंधित क्रेडिट बॅंकेचे श्रेणी कमी करणार, तसेच त्यांना अ श्रेणीतून वगळ्यात येईल असे विधान सहकारमंत्री सुभाष शिरोडकर यांनी केले.

गोमन्तक डिजिटल टीम

Credit Societies Loan Rule Goa

पणजी: सहकार क्षेत्रात काम करत असताना शिस्त आणण्यासाठी काही वेळा कठोर निर्णय घ्यावे लागतात. त्यामुळे १ जानेवारीपासून राज्यातील क्रेडीट सोसायट्यांनी कर्ज देतील, त्यामध्ये अनुत्पादित (एनपीए) कर्ज होता कामा नये. तसे केल्यास संबंधित क्रेडिट बॅंकेचे श्रेणी कमी करणार, तसेच त्यांना अ श्रेणीतून वगळ्यात येईल असे विधान सहकारमंत्री सुभाष शिरोडकर यांनी केले.

येथे एका कार्यक्रमादरम्यान शिरोडकर बोलत होते. ते पुढे म्हणाले की, राज्यातील क्रेडीट सोसायटींनी दिलेल्या कर्जांपैकी ७ ते ८ हजार प्रकरणे ही एनपीएची आहेत. ही प्रकरणे निकालात काढण्यासाठी माझ्या मंत्रालयाचे अर्धे मनुष्यबळ खर्ची लागते. सुमारे ७० कर्मचारी या प्रक्रियेत गुंतलेले असतात, त्यासोबत न्यायालयात हजारो खटले सुरू आहेत. हा प्रकार जर कायमचा मिटविण्यासाठी हा निर्णय घेण्यात येणार असल्याचे त्यांनी सांगितले.

पोषक कायदे आवश्‍यक

काहीवेळा समाजाच्या हितासाठी असे पोषक कायदे करावे लागतात. नाहीतर प्रत्येक बॅंक कर्ज देत सुटेल आणि शेवटी अवस्था म्हापसा अर्बन, मडगाव अर्बन सारखी निर्माण होईल. लोक कोट्यांनी पैसे बॅंकेत विश्‍वासाने आणून देतात, तो त्यांचा विश्‍वास कायम राखण्यासाठी अशा प्रकारचे निर्णय घेणे गरजेचे असल्याचे शिरोडकर यांनी सांगितले.

गावात शाखा उघडा

राज्यातील अनेक क्रेडीट सोसायट्या या सुस्थितीत आहेत, अशा क्रेडीट सोसायट्यांनी ज्या ग्रामीण भागात शाखा नाही त्याठिकाणी शाखा उघडावी. आपल्याला आदर्श आणि स्वयंपूर्ण गाव निर्माण करायचे असतील तर त्यासाठी बॅंकांची भूमिका महत्त्वाची असल्याचे शिरोडकर यांनी सांगितले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs AUS: शिखर धवन-युसूफ पठाणची वादळी खेळी निष्फळ, कांगारूंनी भारताचा 4 गडी राखून केला पराभव

Usgaon Bridge: उसगावात 62 वर्षे जुनाट पूल दुरावस्थेत; स्थानिकांची दुरुस्तीची मागणी

Valpoi: बाप रे... गायीच्या पोटात प्लास्टिकचा ढीग! शस्त्रक्रिया करून तब्बल 26 किलो प्लास्टिक काढलं

Viral News: प्रियकरासोबत नको त्या अवस्थेत सापडली पत्नी, बेदम मार खाल्यानंतर नग्नच पळाला लव्हर Watch Video

Pusapati Ashok Gajapathi Raju: पुसापती अशोक गजपती राजूंनी गोव्याचे राज्यपाल म्हणून स्वीकारली सूत्रे; आंध्रवासीयांच्या आनंदाला भरते

SCROLL FOR NEXT