पणजी: गोव्यात कोरोनाबाधितांची संख्या दिवसागणिक वाढत आहे. राज्यात कोरोनाची तिसरी लाट सुरू असताना देखील राज्य सरकार कोविड केअर सेंटर सुरू करणार नसल्याचे सरकारकडून स्पष्ट करण्यात आले आहे. (Covid Care Centre in Goa Latest News)

"आम्ही यावेळी कोविड केअर सेंटर सुरू करणार नाही आहोत. राज्यातील 96% लोकसंख्येचे लसीकरण (Vaccination) झाले आहे. बेघर लोकांचेही लसीकरण करण्यात आले आहे. सौम्य लक्षणे असलेल्या रुग्णांना घरीच विलगीकरण करण्याचे निर्देश देण्यात आले आहेत," असे आरोग्य सेवा संचालक डॉ. इरा अल्मेडा यांनी सांगितले.

बुधवारपर्यंत, गोव्यातील (Goa) सक्रिय रुग्णांची संख्या 14,000 हून अधिक आहे. पॉझिटिव्हिटी दर 30% पेक्षा जास्त झाला आहे.

पहिल्या लाटेदरम्यान, राज्याने अनेक कोविड केअर सेंटर स्थापन केली होती कारण बहुतेक रुग्णांना विलगीकरणात ठेवण्यासाठी घरी पुरेशी सुविधा उपलब्ध नव्हती. दुस-या लाटेदरम्यान, रुग्णांचे घरीच विलगीकरण करण्यास प्राधान्य देण्यात आले होते.