म्हापसा: कोविडच्या लढाईत(COVID-19 GOA Death) डॉक्टर,(Doctor) परिचारिका व इतर कर्मचाऱ्यांना कामाचा प्रचंड ताण सहन करून रुग्णांची सेवा करताना कोविडची लागण होत आहे. म्हापसा(Mapusa) येथील डॉ. अनारकली जयवंत परब(Anarkali Jaywant Parab) या युवा महिला डॉक्टरचा कोरोनाचा संसर्ग झाल्यामुळे काल मृत्यू झाला. म्हापशातील एका खासगी इस्पितळात गेल्या पंधरा दिवसांपासून त्या मृत्यूशी झुंज देत होत्या.(COVID-19 GOA Death of a female doctor in the battle of Corona)

COVID-19 Goa: चिंता कायम! गोव्यात चोवीस तासांत 2491 कोरोना रुग्णांची नोंद 

कोरोनाच्या फैलावामुळे राज्यातील इस्पितळे रुग्णांनी फुल्ल झाली आहेत. त्यामुळे रुग्णांची अखंडपणे सेवा देणारे डॉक्टर, परिचारिका यांचे जीव धोक्यात आले आहेत. डॉ. अनारकली परब या युवा डॉक्टर कोविड वॉर्डमध्ये गेल्या अनेक महिन्यांपासून रुग्णांची सेवा करत होत्या. या दरम्यान त्यांना कोरोनाचा संसर्ग झाला. या संसर्गाच्या चक्रव्यूहातून त्या सुरक्षित बाहेर पडतील, असे तज्ज्ञ डॉक्टरांचे मत होते, पण त्यांची प्रकृती दिवसेंदिवस खालावत गेली.

Goa Oxygen Crisis: सोमवारपर्यंत ऑक्सिजनचा प्रश्न सोडवा; गोवा खंडपीठाचे सरकारला निर्देश 

पंधरा दिवसांपासून त्यांना म्हापशातील खासगी इस्पितळात व्हेंटिलेटरवर ठेवण्यात आले होते. आज सकाळी 11च्या सुमारास त्यांचे निधन झाले. त्यांच्या निधनाची वार्ता म्हापशात समजताच सोशल मीडियावरून दुःख व्यक्त केले जात आहे. या घटनेने डॉ. अनारकली परब यांचे कुटुंबीय शोकाकुल झाले आहेत. डॉ. परब यांच्या निधनामुळे राज्यात सर्वत्र हळहळ व्यक्त करण्यात येत आहे.