म्हापसा: म्हापसा पोलिसांनी युगांडाहून आलेल्या दोन विद्यार्थ्यांकडून जवळपास २० लाख रुपयांचे कोकेन जप्त केले होते आणि आता या दोघांविरुद्ध ठोस पुरावे आढळल्यामुळे न्यायालयाने दोघांचा जामीन अर्ज फेटाळून लावला आहे. याबाबतचा आदेश म्हापशातील अतिरिक्त सत्र न्यायाधीश बॉस्को रॉबर्ट यांनी दिला.
ऑगस्ट महिन्यात सेंतामू एल्वीज आणि उमर लुक्वागो हे दोन युगांडाचे विद्यार्थी गोव्यात कोकेन घेऊन येत असल्याची माहिती पोलिसांना मिळाली होती आणि या माहितीच्या आधारे त्यांनी दोघांना ताब्यात घेऊन त्यांची चौकशी केली होती.
म्हापसा पोलिसाचे निरीक्षक निखिल पालेकर यांच्या मार्गदर्शनाखाली उपनिरीक्षक यशवंत मांद्रेकर, बाबलो परब, आदित्य गाड, मंगेश पाळणी व इतर पोलीस कर्मचाऱ्यांनी १६ ऑगस्ट रोजी म्हापसा बस स्थानकावर छापा टाकला आणि सेंतामू एल्वीज याच्याकडून १०३ ग्रॅम कोकेन तर उमर लुक्वागो याच्याकडून १०२ ग्रॅम कोकेन जप्त केले होते.
विद्यार्थ्यांजवळ अमली पदार्थ आढळल्यामुळे त्यांना अमली पदार्थ विरोधी कायद्या कलम २१(सी) अंतर्गत गुन्हा दाखल करत अटक करण्यात आली होती. दोन्ही विद्यार्थ्यांकडून सुरु असलेला हा अमली पदार्थांचा व्यवहार आंतराष्ट्रीय बाजारात २०.५ लाखांच्या घरात जाणारा होता.
अटकेनंतर दोन्ही परदेशी विद्यार्थ्यांकडून त्यांना खोट्या आरोपाखाली अटक केल्याचा दावा करण्यात आला मात्र यावर झालेल्या सुनावणी दरम्यान पोलिसांच्या हाती लागलेले पुरावे सकारात्मक असल्याचे आढळल्याने दोन्ही पक्षांची बाजू ऐकल्यानंतर न्यायालयाने सेंतामू एल्वीज आणि उमर लुक्वागो यांचा जमीन अर्ज फेटाळून लावला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.