पणजी: राज्यात कोरोनाच्या बाबतीत दिवसेंदिवस मोठा दिलासा मिळत असून गेल्या २४ तासात कोरोनाचा एकही बळी नसून अधिकच्या उपचारासाठीही कोणाला दवाखान्यात भरती केले गेले नाही. कोरोना संक्रमणाचा दर 1.40 टक्के इतका खाली आला आहे. तर आज सक्रिय रुग्ण संख्या 193 झाली आहे. तर गेल्या चोवीस तासात नवे 24 बाधित रुग्ण सापडले आहेत.

राज्यात आतापर्यंत 2 लाख 45 हजार 80 नागरिकांना कोरोनाची बाधा झाली असून यापैकी 2 लाख 41 हजार 62 रुग्ण बरे झाले. हे रुग्ण बरे होण्याचे प्रमाण त्यांना 98.36 टक्के इतके आहे. सध्या 193 रुग्ण सक्रिय असून 24 तासांत एकही मृत्यू नोंद नसल्याने मृतांची संख्या 3,825 इतकी कायम आहे. (Goa corona news update)